उत्तर: ही योजना अनुसूचित जाती (SC) व नवबौध्द प्रवर्गातील विद्यार्थ्यांसाठी आहे. ज्या विद्यार्थ्यांना इयत्ता ११वी, १२वी, व त्यानंतरच्या उच्च शिक्षणासाठी शासकीय वसतिगृहात प्रवेश मिळालेला नाही, त्यांना भोजन, निवास व इतर शैक्षणिक खर्चासाठी आर्थिक सहाय्य देण्यासाठी ही योजना सुरू करण्यात आली आहे.

उत्तर:

• विद्यार्थी अनुसूचित जाती (SC) किंवा नवबौध्द प्रवर्गाचा असावा.
• तो महाराष्ट्र राज्याचा रहिवासी असावा.
• पालकांचे वार्षिक उत्पन्न २.५० लाखांपेक्षा जास्त नसावे.
• विद्यार्थ्याने शासकीय वसतिगृहात प्रवेशासाठी अर्ज केलेला असावा पण त्याला प्रवेश मिळालेला नसावा.
• विद्यार्थी शिक्षण घेत असलेल्या शहराचा/तालुक्याचा स्थानिक रहिवासी नसावा.
• मागील वर्षाच्या परीक्षेत किमान ५०% गुण (दिव्यांग विद्यार्थ्यांसाठी ४०%) आवश्यक आहेत.

उत्तर: शहराच्या प्रकारानुसार प्रति विद्यार्थी (१० महिन्यांसाठी) रक्कम खालीलप्रमाणे आहे:

• मुंबई, पुणे, नागपूर, नवी मुंबई, ठाणे, पिंपरी-चिंचवड: ₹ ६०,०००/-
• इतर महसूल विभागीय शहरे व 'क' वर्ग म.न.पा.: ₹ ५१,०००/-
• इतर जिल्हा व म.न.पा. हद्दीपासून ५ किमी परिसर: ₹ ४३,०००/-
• तालुक्याच्या ठिकाणी: ₹ ३८,०००/-

उत्तर: साधारणतः, अर्ज करण्याची मुदत प्रत्येक वर्षी ३० नोव्हेंबर पर्यंत असते. तथापि, ज्या विद्यार्थ्यांचे निकाल उशिरा लागल्याने प्रवेश प्रक्रिया उशिरा होते, त्यांना महाविद्यालयात प्रवेश घेतल्यानंतर एका महिन्याच्या आत अर्ज करता येतो.

उत्तर: होय, अभ्यासक्रम पूर्ण करताना फक्त एकदाच ATKT मिळालेल्या विद्यार्थ्यांना या अटीतून सूट देण्यात येईल. जर दुसऱ्यांदा ATKT मिळाल्यास, विद्यार्थी पुढील लाभासाठी अपात्र ठरेल.

उत्तर: होय, शिक्षणात खंड (Gap) पडलेला विद्यार्थी लाभासाठी पात्र असेल, परंतु हा खंड २ वर्षांपेक्षा जास्त नसावा.

उत्तर: विद्यार्थ्यांची महाविद्यालयातील किमान उपस्थिती ७५% असणे आवश्यक आहे.

उत्तर: नाही. या योजनेचा लाभ केवळ पूर्ण वेळ (Full-time) अभ्यासक्रमासाठीच लागू आहे. अर्धवेळ, दूरस्थ (Distance) किंवा बहिस्थ अभ्यासक्रमासाठी हा लाभ दिला जाणार नाही.